Ашық есік күні өтті

Бүгін №7 қалалық емханада Алғыс айту күніне орай Ашық есік күні өтті.

Іс-шараны өткізудің мақсаты  - ауруларды уақытылы анықтау және халықтың өз денсаулықтарына жауапкершілігін арттыру

Емханаға келушілерге мамандардың кеңес беруі, маммография, рентгенологиялық және ультрадыбыстық диагностикадан өту ұйымдастырылды. Консультативті қабылдау кезінде  емделушілерге 120 медициналық қызмет көрсетілді, ауруларды емдеу бойынша, салауатты өмір салты бойынша ұсыныстар, ақпараттық материалдар берілді.

№52 мектептің 8-сынып оқушыларына туберкулездің алдын алу бойынша дәріс өтті

№7 қалалық емхананың ММБ қызметкерлері №52 мектептің 8-сынып оқушыларына туберкулездің алдын алу бойынша дәріс өткізді.  Іс-шара Дүниежүзілік туберкулезге қарсы күрес күніне арналған "Өзіңді туберкулезден қорға!" атты айлығы шеңберінде өткізілді. Туберкулез - адамның ішкі  органдарын қысқа ғана уақыт аралығында түгелдей дерлік бұзатын ауру. Көп жағдайда микробактериялар өкпені зақымдайды. Туберкулездің қоздырғышы  - туберкулез таяқшалары болып  табылады, олар қақырықта және  туберкулез жұқтырған адамның зәрінде  жиі кездеседі. Ауруды жұқтырудың алдын алу үшін аурудың алдын алудың жалпы қабылданған ережелерін ұстану қажет.Іс-шара "Сұрақ-жауап" диалогы түрінде өтті. Іс-шара соңында оқушыларға ақпараттық материалдар берілді.

Ерекше балаларды тәрбиелеп отырған және көпбалалы аналарға арналған Ашық есік күні өтті

22.02.2020. Бүгін №7 қалалық емханада ерекше балаларды тәриелеп отырған және көпбалалы аналарға арналған Ашық есік күні өтті. Келесі мамандардың кеңес беруі ұйымдастырылды: терапевт, невропатолог, эндокринолог, гинеколог, кардиолог, маммолог, онколог, психолог және әлеуметтік қызметкерлер, рентгенологиялық, ультрадыбыстық және зертханалық диагностика жүргізілді. Консультативтік қабылдауда аналар 100-ден аса медициналық қызмет алды және қажет болған жағдайда бірден бірнеше мамандардан өтті. Бұндай іс-шаралар отбасылардың қысқа мерзімде медициналық тексеруден тез әрі ыңғайлы өтулеріне, анықталған ауруларды емдеу бойынша және салауатты өмір салты бойынша ұсыныстар алуға көмектеседі.

"Өзіңді қабылда және өзгелерге жақсылық тіле"

№7 ҚЕ "Шаңырақ" МДО психологтары балалар корпусындағы ЕДШ залында жасөспірімдерге тренинг өткізілді. Тренинг тақырыбы: "Өзіңді қабылда және өзгелерге жақсылық тіле". Тренинг жанжалды жағдайларды жою үшін және өзара қарым-қатынасты жақсарту үшін өткізілді. Тренинг барысында жасөспірімдер белсенділік танытып, оң қуат алды.